Instituti Kosovar për Qeverisje Lokale (KLGI) , në kuadër të projektit “Nisma për të Drejtën e Pronës” (NDP) , organizoi trajnimin për vullnetarët në rajonin e Prizrenit, që përfaqëson dallueshmëri etnike, duke përfshirë komunitetet rom, ashkali, egjiptian, si dhe zona të thella rurale . Vullnetarët do të angazhohen në kampanjën Door-to-Door , e cila synon zgjidhjen e çështjeve të pronës.

Projekti përmirëson qasjen në informacion për regjistrimin e pronës dhe ofron këshillim për të drejtat pronësore , me fokus te gratë , të rinjtë dhe personat e cenueshëm. Qasja më e lehtë në informacion do të ndihmojë individët të kuptojnë më mirë të drejtat e tyre pronësore dhe procedurat e regjistrimit .

Projekti zbatohet nga ATRC, bashkë-zbatohet nga KLGI dhe financohet nga Banka Botërore/Fondi për Paqe dhe Shtet-Ndërtim .