Në kuadër të projektit “Nisma për të Drejtën e Pronës (NDP)” 
, Instituti Kosovar për Qeverisje Lokale (KLGI) zhvilloi një punëtori 
me pjesëmarrjen e kryetarëve dhe përfaqësuesve të Këshillave Lokalë të Komunës së Lipjanit 
.
Qëllimi i këtij takimi ishte nxitja e dialogut të hapur dhe përfshirës 
, si dhe informimi dhe angazhimi aktiv i Këshillave Lokalë në adresimin e sfidave që përballen gratë 
, të rinjtë 
dhe komunitetet pakicë 
në ushtrimin e së drejtës së pronës. U theksua se përmirësimi i qasjes në të drejtën e pronës nuk është vetëm një çështje ligjore 
, por një hap i domosdoshëm drejt ndërtimit të një shoqërie më të barabartë dhe fuqizimit ekonomik të të gjithë qytetarëve.
Pjesëmarrësit theksuan se vetëm përmes një angazhimi të përbashkët mund të adresohen sfidat ekzistuese dhe të promovohet një kulturë e barazisë, përfshirjes dhe respektimit të të drejtave pronësore për të gjithë qytetarët 
.
Projekti zbatohet nga ATRC dhe KLGI, dhe financohet nga Banka Botërore 
dhe Fondi për Paqe dhe Shtetndërtim 
.
Bëje Tënden
Regjistroje Pronën!
