Në kuadër të projektit ‘Një përpjekje drejt një qeverisje lokale të qëndrueshme dhe funksionale’, Instituti KLGI në bashkëpunim me Zyrën e Koordinatorit Nacional për Reforma Shtetërore në Qeverinë e Kosovës mbajtën punëtorinë me temën “Ngritja e Aftësive të Shërbyesve Civilë në Zbatimin Korrekt të Politikave Strategjike”.

Me ftesë të projektit “Bashkitë për në Evropë” i financuar nga Bashkimi Evropian, përfaqësues nga Instituti KLGI morën pjesë në konferencën e punës Bashkitë në Procesin e Integrimit të Shqipërisë.

Me ftesë të Ministrisë së Financave të Republikës së Shqipërisë, përfaqësues nga Instituti KLGI morën pjesë në konferencën kombëtare “Ligji për Financat e Vetëqeverisjes Vendore – Një vit pas”. Në konferencë prezantuan Ministri Arben Ahmetaj, si dhe përfaqësues të lartë nga USAID dhe SDC, lidhur me arritjet, sfidat dhe hapat në vijim për zbatimin e Ligjit për Financat e Vetëqeverisjes Qendrore.

Instituti KLGI mbajti punëtorinë me temën ‘Raportet Qeverisje Qendrore dhe Qeverisja Lokale’, ku u adresuan bashkëpunimi, komunikimi dhe angazhimet e përbashkëta në mes të nivelit qendror dhe nivelit lokal.

Instituti Kosovar për Qeverisje Lokale (KLGI) mbajti punëtorinë për çështjet që ndërlidhen me shërbimet sociale me titull “Përmirësimi i Cilësisë së Shërbimeve Sociale dhe Objektivat Nacionale për Zhvillimin e Politikave Sociale”.

Në kuadrin e vizitave në komuna dhe angazhimeve të përbashkëta, përfaqësuesit e Institutit KLGI vizituan Komunën e Kamenicës, ku u pritën nga Kryetari i Komunës, z. Qëndron Kastrati, për të diskutuar lidhur me perspektivat në fuqizimin e nivelit lokal. Fillimisht, u.d drejtori ekzekutiv i Institutit KLGI, Besnik Muçaj, ka uruar Kryetarin Kastrati për marrjen e detyrës, duke theksuar rëndësinë e veçantë të përfshirjes së barabartë në vendim-marrje. Ndërkaq Kryetari Kastrati ka njoftuar përfaqësuesit e KLGI lidhur me angazhimet që ka ndërmarrë kjo komunë.

Përfaqësuesi i Institutit Kosovar për Qeverisje Lokale (KLGI), Valmir Gashi, prezantoi në konferencën tre-ditore ‘Energjizimi i qeverisjes lokale në Kosovë përmes përfshirjes së qytetarëve’ mbajtur në Berlin, nën organizimin e Paktit të Stabilitetit të Evropës Juglindore, të mbështetur nga Zyra Federale e Punëve të Jashtme të Gjermanisë.

Me ftesë të Agjencisë për Mbështetjen e Vetëqeverisjes Vendore, përfaqësuesit e Institutit KLGI morën pjesë në Këshillin Konsultativ në mes të Qeverisjes Qendrore dhe Vetëqeverisjes Vendore në Republikën e Shqipërisë. Prezent në ngjarje ishin përfaqësues nga Shoqatat e Vetëqeverisjes Vendore, Kryetarë të Qarqeve, Kryetarë të Bashkive dhe donatorët kyç që mbështesin qeverisjen lokale (vendore) dhe procesin e reformës.

Instituti KLGI ka zhvilluar trajnimin modular tre-ditor në Republikën e Shqipërisë me temën ‘Standardizimi dhe përmirësimi i shërbimeve komunale’, me qëllim të adresimit të temave kyçe në fushën e qeverisjes lokale në Kosovë, siç janë qeverisja e mirë, procesi i decentralizimit, reforma në administratën publike dhe performanca e shërbyesve civilë.

Në kuadër të një trajnimi modular tre-ditor, Instituti KLGI ka zhvilluar takime të ndara në institucione të Republikës së Shqipërisë me qëllim të njohjes së procesit të reformës, procesit të decentralizimit, ri-organizimin territorial dhe modelin e trajnimeve në fushën e administratës publike.