Me ftesë të Ministres për Financa dhe Ekonomi në Republikën e Shqipërisë, znj. Anila Denaj, Drejtori i Departamentit të Buxhetit të Kosovës, z. Salvador Elmazi dhe Drejtori i Institutit KLGI, z. Besnik Muçaj, morën pjesë në konferencën nacionale të Shqipërisë me titull “Përforcimi i dialogut për financat e pushtetit lokal: Sfidat, mundësitë, transparenca dhe llogaridhënia”.

Ambasadori i Norvegjisë në Kosovë, z. Per Strand Sjaastad, së bashku me Institutin KLGI organizuan pritje për të gjithë Kryetarët e Komunave të Kosovës, përfaqësues të ministrive të linjës si dhe partnerë vendorë dhe ndërkombëtarë, për të zhvilluar një diskutim joformal për arritjet, sfidat dhe perspektivat në fushën e Qeverisjes Lokale në Kosovë.

Instituti Kosovar për Qeverisje Lokale (KLGI) thelloi bashkëpunimin me Ministrinë e Administrimit të Pushtetit Lokal (MAPL) nëpërmjet nënshkrimit të marrëveshjes së bashkëpunimit me synim për fuqizimin dhe zhvillimin e mëtejmë të nivelit lokal.

Menaxheri i Programeve në Institutin KLGI z. Valmir Gashi, mori pjesë në punëtorinë e katërt të Observatorit Rajonal të Decentralizimit (RDO) që u organizua nga NALAS dhe e përkrahur nga OSBE që u mbajt në Shkup, në datat 13-15 nëntor. Në këtë punëtori regjionale u testuan metodologjia dhe indikatorët e RDO. Pjesëmarrës ishin përfaqësues nga Rumania, Bullgaria, Kroacia, Shqipëria, Kosova, Maqedonia, Bosnja dhe Hercegovina, Serbia dhe Mali i Zi.

Në mbledhjen e 75-të të Qeverisë së Republikës së Kosovës u aprovua Koncept-Dokumenti për Financat e Pushtetit Lokal. Aprovimi vjen pas një pune të gjatë të përbashkët në mes, Ministrisë së Financave, Institutit KLGI dhe akterëve të përfshirë, duke siguruar kështu një proces të gjerë të konsultimit, mbështetje profesionale dhe teknike, analiza dhe punë të përbashkët në grupin punues, ku të përfshirë kanë qenë (Ministritë e Linjës, Asociacioni i Komunave të Kosovës, Projekti DEMOS dhe shoqëria civile).

Institutit KLGI në bashkëpunim me Asociacionin e Komunave të Kosovës (AKK) mbajtën diskutimin publik me temën “Politikat e Arsimit në Nivel Lokal”, për të diskutuar lidhur me sfidat që ballafaqohet arsimi në nivel lokal si dhe për të identifikuar problemet dhe nevojat për intervenim në këtë fushë.