Te plazhi i liqenit në Orllan, me ftesë të Qendrës Rinore Blue, drejtori Ekzekutiv i Institutit KLGI, Besnik Muçaj, ka prezantuar në kampin rinor.

Instituti Kosovar për Qeverisje Lokale (KLGI) sot mbajti sesionin trajnues dhe vizitë pune në qytetin e Vushtrrisë, ku u adresuan “Sfidat e Administratës Komunale karshi Reformës në Administratë Publike” me fokus Pakon e Ligjeve të Administratës Publike që përfshin Ligjin për Administratën Shtetërore, Ligjin për Zyrtarët Publikë dhe Ligjin për Pagat, njëherësh hapat që na presin në vijim.

Instituti Kosovar për Qeverisje Lokale ka filluar trajnimet bazike me Organizatat Joqeveritare lokale me qëllim të ofrimit të njohurive për konceptin bazik të angazhimit civil në qeverisjen lokale. Angazhimi civil përfshin thuajse të gjitha veprimet që kanë të bëjnë me çështje publike në vendimet që prekin jetën e qytetarëve.

Instituti Kosovar për Qeverisje Lokale (KLGI), në kuadrin e mbështetjes së Ministrisë e Financave (MF) në procesin e hartimit të Ligjit për Financat e Pushtetit Lokal (LFPL), organizoi takimin konsultativ me akterët e shoqërisë civile për koncept-dokumentin e kësaj fushe.

Në zyrat e Institutit KLGI, përfaqësuesit e Institutit KLGI pritën në takim ekspertët nga organizata ‘European Centre for Social Welfare Policy and Research’, znj. Rahel Kahlert dhe znj. Veronika Sandu, si dhe nga organizata Save the Children, z. Trim Kabashi.

Në kuadrin e diskutimeve me organizatat e nivelit lokal, në zyrat e Institutit KLGI pritëm përfaqësuesin e organizatës O-Aktiv, Genc Rashiti, që në fokus ka përmirësimin e cilësisë në arsim. Kjo organizatë e themeluar para disa kohësh ka mbledhur studentë të fushave të ndryshme që përmes angazhimeve të përbashkëta synojnë t’i adresojnë sfidat dhe avancimin e politikave të edukimit në Komunën e Podujevës.

Në 20-vjet të Kosovar Civil Society Foundation - KCSF, në praninë e shumë personaliteteve, donatorëve dhe miqve nga shoqëria civile, shënuam këtë ngjarje të rëndësishme për shtëpinë e përbashkët të aktivizmit civil dhe demokratizimit.

Në zyrat e Institutit KLGI pritëm në takim përfaqësues nga Qendrat për Punës Sociale (QPS), ku u diskutua për bashkëpunimin në identifikimin e sfidave në fushën e shërbimeve sociale në nivelin lokal.

Në vazhdën e mbështetjes për procesin e draftimit të koncept-dokumentit për Financat e Pushtetit Lokal, Instituti Kosovar për Qeverisje Lokale ka organizuar punëtori katër ditore me grupin punues.

Instituti KLGI, në rolin mbështetës për procesin e draftimit të Ligjit për Financat e Pushtetit Lokal në bashkëpunim me Ministrinë e Financave të Republikës së Kosovës dhe DEMOS, ka nisur procesin e konsultimit të gjerë me akterët relevantë si pjesë e fazës së parë të zhvillimit të koncept-dokumentit të këtij Ligji. Përvec takimeve konsultimeve me akterët, po zhvillohen edhe vizita studimore në rajon me qëllim të shkëmbimit të përvojave në fushën e financave lokale.