Në kuadër të programit LGA – Empower, Instituti KLGI mbajti takimin e dytë të grupit tematik “Administrata dhe Reforma”. Në këtë sesion, nëpërmjet fasilitimit profesional, u diskutua mbi identifikimin e proceseve dhe sfidave me të cilat po ballafaqohet reforma e administratës publike në nivelin lokal.

Instituti KLGI, në kuadër të programit LGA – Empower në sesion të veçantë vendosi agjendën dhe objektivat e grupit tematik “Mirëqenia dhe Përfshirja Sociale”. Në diskutim u vu theksi në…

KLGi dhe me Al-Hayat Center në angazhimet e përbashkëta kanë trajtuar aspektet e planifikimin strategjik, me ç’rast z. Tahiri ka ofruar rekomandime dhe këshilla për planifikimin strategjik dhe proceset e decentralizimit në Jordani.

Drejtori Ekzekutiv i Institutit KLGi, z. Besnik Tahiri, mori pjesë në grupin punues për Ballkanin Perëndimor, me ç’rast u diskutua për marrëdhëniet BE – Kosovë si dhe rrjetëzimin e agjendës për Ballkanin Perëndimor.

Në hapësirat e Institutit KLGI, u prezantua analiza mbi gjendjen e përgjithshme buxhetore dhe linjat e operimit të komunave në raport me shpenzimet e buxheteve nga Drejtori Ekzekutiv, z. Besnik Tahiri dhe Menaxheri i Programeve, z. Besnik Muçaj. Theks të veçantë patën edhe aspekti krahasues i trendeve buxhetore dhe perspektiva zhvillimore e këtij e po ashtu, sfidat, sukseset dhe perspektivat në raport me mbledhjen, menaxhimin dhe shpenzimin e mjeteve financiare nga komunat.

Instituti KLGi, në kuadër të programit LGA Empower, mbajti takimin e parë të grupit tematik “edukimi, rinia dhe inovacioni”. Në këtë sesion u diskutua për objektivat dhe agjendën e punës, në funksion të adresimit të sfidave dhe avokimit për përmirësimin e politikave komunale.

Në kuadër të projektit “Një përpjekje drejt një qeverisje lokale të qëndrueshme dhe funksionale”, përfaqësues të Institutit KLGi, të prirë nga drejtori ekzekutiv, z. Besnik Tahiri takuan kryetarin e Komunës së Vitisë, z. Sokol Haliti dhe Kryetarin e Hanit të Elezit, z. Rufki Suma, me ç’rast i njoftuan lidhur me programin dhe diskutuan për fushat e intervenimit në funksion të rritjes së efikasitetit, cilësisë së shërbimeve dhe performancës së komunave.

Në zyrat e Institutit KLGI, në një takim të veçantë, drejtori ekzekutiv z. Besnik Tahiri priti znj. Xhevahire Izmaku, Kryetare e Komisionit Parlamentar për Administratë Publike, Qeverisje Lokale dhe Media. Ky ishte takim i karakterit iniciues për thellimin e bashkëpunimit dhe angazhimet e përbashkëta në funksion të fuqizimit të qeverisjes lokale.

Instituti Kosovar për Qeverisje Lokale (KLGI) dhe portali INFOKOMUNA lansuan buletinin informativ komunal “Mujori i Komunave”. Ky është numri i parë i këtij buletini, i cili pasqyron kronologjinë e ngjarjeve dhe aktiviteteve për 30 ditë të shtatorit 2016. Në këtë aktivitet kanë prezantuar edhe zyrtarët komunal për marrëdhënie me publikun.